Gürcüstan Xarici İşlər Nazirliyi xaricdə yaşayan vətəndaşlara müraciət edib

Gürcüstanın Xarici İşlər Nazirliyi (XİN) parlament seçkiləri ilə əlaqədar xaricdə yaşayan vətəndaşlara müraciət edib.

InterPress.ge xəbər verir ki, bu barədə XİN açıqlama yayıb.

Bildirilib ki, iyulun 3-nə olan məlumata görə, xaricdə konsulluq qeydiyyatında olan 62,4 min yetkin Gürcüstan vətəndaşı parlament seçkilərində səsvermə hüququna malikdir.

"Seçkilərdə səsvermədə iştirak etmək üçün konsulluqda qeydiyyatdan keçmək mütləqdir. Gürcüstan vətəndaşları 2024-cü il oktyabrın 7-dək konsulluqda qeydiyyatdan keçməlidirlər", - deyə müraciətdə qeyd olunub.