İrakli Kobaxidze: Düşünürük ki, gələn ilin əvvəlindən regionda və qlobal miqyasda vəziyyət yaxşılığa doğru dəyişəcək

“Dünyada vəziyyət ağırdır, dünyanın müxtəlif yerlərində münaqişələr var, bununla bağlı problemlər çox ciddidir”.

InterPress.ge xəbər verir ki, bunu Gürcüstanın baş naziri İrakli Kobaxidze parlamentdə deputatların suallarını cavablandırarkən deyib.

Hökumət başçısının qeyd etdiyinə görə, müəyyən mövzular var ki, onlar bağlı qapılar arxasında müzakirə olunur.

“Dünyada çətin vəziyyət hökm sürür. Dünyanın müxtəlif yerlərində münaqişələr var. Bu müddət ərzində terror aktları və ya şübhəli terror aktları olub ki, biz bunları görmüşük. Bu baxımdan bizim çağırışlarımıza gəlincə, çətinliklər çox ciddidir. Bağlı qapılar arxasında hansı söhbətlərin getməsinə gəlincə, mən bu mövzu haqqında danışmaqdan çəkinəcəyəm, çünki müxtəlif şəxslərin reputasiyası ilə bağlı diqqətli olmalıyıq. 

Regionda gələcək gözləntilərə, dünyada və ölkəmiz ətrafında vəziyyətin inkişafına gəldikdə - bugünkü vəziyyətin kifayət qədər çətin olmasına baxmayaraq, biz nikbinik. Mövcud vəziyyət kifayət qədər narahatlıq doğursa da, gələn ilin əvvəlindən regionda və qlobal miqyasda vəziyyətin müsbətə doğru dəyişəcəyini düşünürük. Region və bütün dünya daha çox sakitləşəcək. Biz buna böyük ümidlər bəsləyirik və belə bir vəziyyətdə Gürcüstana da siyasi təzyiqlər azalacaq. Bunun real perspektivi var, hadisələrin inkişafını gözləyək. Dünyada və regionda vəziyyətin dəyişməsi ilə bağlı şəxsi, əsaslı gözləntilərim nikbindir və biz hər cür inkişafa hazır olmalıyıq”, - deyə İrakli Kobaxidze bildirib.