Dövlət qurumlarında staj keçmək ödənişli olacaq

Gürcüstan parlamenti təcrübə şəraitinin yaxşılaşdırılması ilə bağlı Gürcüstanın baş nazirinin təşəbbüsü çərçivəsində hazırlanmış qanunvericiliyə düzəlişləri birinci oxunuşda qəbul edib.

InterPress.ge xəbər verir ki, qanun layihəsinin təşəbbüskarı “Gürcü arzusu” fraksiyasıdır.

“Müsabiqə yolu ilə müvafiq dövlət qurumuna və ya MMC-yə təyin olunacaq stajçılar ödənişli təcrübə keçəcək və ehtiyac yarandıqda ezamiyyət xərcləri də qarşılanacaq.

Bu, dövlət qulluğuna ixtisaslı gənclərin cəlb edilməsi üçün irəliyə doğru daha bir addımdır”, - parlamentin üzvü Maya Bitadze Facebook-da yazıb.