İrakli Kobaxidze: Strateji tərəfdaşlıq konkret addımlarla ifadə edilməlidir

“Strateji tərəfdaşlıq vizanın liberallaşdırılması, birbaşa uçuşların dəstəklənməsi və azad ticarət sazişinin imzalanması kimi konkret addımlarla ifadə edilməlidir. Ümid edirəm ki, cənab O`Brayen Gürcüstana bu cür mesajlarla gələcək, ümid edirəm ki, Gürcüstanla Amerika Birləşmiş Ştatlarının yaxınlaşması söhbəti olacaq”.

InterPress.ge xəbər verir ki, bu barədə Gürcüstanın baş naziri İrakli Kobaxidze bildirib.

“Siz bilirsiniz ki, bizim amerikalı tərəfdaşlarımıza çağırışlarımız nədən ibarətdir. Bu, vətəndaşlarımız üçün vizanın liberallaşdırılmasıdır, bu, azad ticarət sazişinin imzalanmasıdır. Ümid edirik ki, bu səfər zamanı belə mövzular müzakirə olunacaq. Təbii ki, bu, iki ölkəni daha da yaxınlaşdıracaq.Bu gürcü xalqına düzgün münasibət olardı və ümid edirik ki, cənab O`Brayen Gürcüstana belə mesajlarla gələcək. Strateji tərəfdaşlıq konkret həyata keçirilə bilən addımlarla ifadə edilməlidir. Belə bir təsirli addım viza rejiminin liberallaşdırılması, birbaşa uçuşların dəstəklənməsi və azad ticarət sazişinin imzalanması olardı ki, bununla bağlı həvəsimiz, çağırışlarımız var, amma oradan lazımi cavab almırıq, bu, çox üzücüdür. Strateji tərəfdaşlıq konkret addımlarla ifadə edilməlidir, baxmayaraq ki, bu qədər illər ərzində nə viza rejiminin liberallaşdırılması, nə azad ticarət, nə də birbaşa uçuşlar haqqında danışılır ki, bu da strateji tərəfdaşlığın xarakterinə uyğun gəlmir”, - deyə İrakli Kobaxidze bildirib.