Kobaxidze: “Həm Avropa İttifaqına, həm də NATO-ya inteqrasiya hökumətin konstitusiya vəzifəsi kimi müəyyən edilib”

Gürcüstanın baş naziri İrakli Kobaxidzenin sözlərinə görə, ötən dövr ərzində, o cümlədən ölkənin xarici siyasəti ilə bağlı çoxlu spekulyasiyalar olub.

InterPress.ge xəbər verir ki, bu barədə hökumət başçısı ictimai-siyasi tok-şouların aparıcıları ilə görüşü zamanı deyib.

Baş nazir bəyan edib ki, hökumətin dəqiq müəyyən edilmiş kursu var və bu kurs təkcə ümumi səviyyədə müəyyən edilməyib, birbaşa Gürcüstan Konstitusiyasında yazılıb.

“Biz son vaxtlar çoxlu spekulyasiyalar eşitmişik, o cümlədən ölkənin kursu ilə bağlı. Təşəbbüs edilən qanun layihəsi guya ölkənin kursunun dəyişməsi ilə bağlıdır ki, bu da kobud spekulyasiya və manipulyasiyadır. Hamı üçün aydın olanı bir daha aydın şəkildə izah etmək istərdim, hökumətin dəqiq müəyyən edilmiş kursu var və bu kurs təkcə ümumi səviyyədə müəyyən edilməyib, birbaşa Gürcüstan Konstitusiyasında yazılıb.

Bilirsiniz ki, 2017-ci ildə müxalifətin dəstəyi olmadan “Gürcü Arzusu” Gürcüstan konstitusiyasına həm Avropa İttifaqına, həm də NATO-ya inteqrasiyanı hakimiyyətin konstitusiya vəzifəsi kimi müəyyən edən norma tətbiq etdi. Ona görə də təbii ki, bizim bu istiqamətdə konkret nailiyyətlərimiz, nəticələrimiz var. Avropa Birliyinə inteqrasiya yolunda bütün nəzərəçarpacaq nəticələr, yəni assosiasiya sazişinin imzalanması, DCFTA – azad ticarət, viza rejiminin liberallaşdırılması və namizəd statusu “Gürcü Arzusu” hakimiyyəti şəraitində əldə edilib”, - deyə o bildirib.