"Gürcüstan-ABŞ münasibətlərinə yenidən baxılmalıdır" - Mamuka Mdinaradze

"Bəli, Gürcüstan-Amerika münasibətlərinə yenidən baxılmalıdır".

InterPress.ge xəbər verir ki, bunu parlament çoxluğunun lideri Mamuka Mdinaradze bildirib.

Onun sözlərinə görə, ABŞ Gürcüstanla vizasız gediş-gəliş, eləcə də azad ticarət yaratmalı və birbaşa uçuşlar olmalıdır.

“Biz yalvarmaq fikrində deyilik. Biz məsələni bu cür qaldıran amerikalı senatorları da çağırırıq ki, bəli, Gürcüstan-ABŞ münasibətlərinə yenidən baxılmalıdır. Viza qaldırılmalı, hərəkət sərbəst olmalıdır - bu, tərəfdaşlar və dostlar arasında düzgün münasibətdir. Əgər biz strateji tərəfdaşıqsa, ABŞ-dan investisiyalar artsın, Gürcüstan vətəndaşları ABŞ-da sərbəst hərəkət etsin,  sərbəst ticarət, birbaşa uçuşlar olsun.

Biz on ildən artıqdır ki, strateji tərəfdaşlığa imza atmışıq və birbaşa uçuşlar yoxdur - bəli, buna yenidən baxılmalıdır. Biz bu məsələni qaldırdıq. Amerikalı dostlarımız və tərəfdaşlarımızdan belə bir tələb var”, - Mdinaradze bildirib.

Onun sözlərinə görə, Amerika xalqının pullarının Gürcüstanda hara getdiyi də nəzərdən keçirilməlidir və şəffaflıq qanunu bunu təmin edəcək.

“Bizdən nə asılıdır, biz buna baxacağıq, şəffaflıq qanununu qəbul edəcəyik və siz Amerika pullarının Gürcüstanda hara getdiyi barədə hər şeyi biləcəksiniz”, - Mdinaradze bildirib.