Ərini qətlə yetirmək ittihamı ilə saxlanılan qadın azadlığa buraxıldı

Ərini qətlə yetirməkdə təqsirli bilinərək saxlanılan Nato Xeladze həbsdən buraxılıb.

InterPress.ge xəbər verir ki, bu barədə vəkil Maqda Kotrikadze məlumat verib.

Onun sözlərinə görə, ağır ittihamla saxlanılan qadına qarşı irəli sürülən qətl ittiham ləğv edilib və həbsxananı tərk edib.

Məlumat üçün bildirək ki, Nato Xeladze aprelin 2-də qətl törətmək ittihamı ilə Samtrediada saxlanılıb. O, həyat yoldaşını qətlə yetirməkdə ittiham olunub. Daha sonra qətlə və davaya görə 4 nəfər saxlanılıb.