Tbilisidə etiraz aksiyası başladı

Gürcüstan parlamentinin binasının arxa girişində etiraz aksiyası keçirilir.

InterPress.ge xəbər verir ki, aksiyada müxtəlif onlayn media orqanlarının jurnalistləri iştirak edərək, vətəndaşlarla birlikdə “Xarici təsirin şəffaflığı haqqında” qanun layihəsinə etiraz edirlər.

Onlar hesab edirlər ki, sözügedən qanun layihəsi rus qanunudur və parlament bunu qəbul etməməlidir.

Hadisə yerində təhlükəsizlik tədbirləri gücləndirilib. Hüquq-mühafizə orqanlarının əməkdaşları parlamentin ətrafına səfərbər olunub.