Bu gün parlament qarşısında aksiya yenidən başlayacaq

“Xarici təsirin şəffaflığı haqqında” qanun layihəsinə qarşı həyata keçirilən “rus qanununa yox, Avropaya bəli” aksiyası bu gün saat 12:00-dan etibarən yenidən qanunverici orqanın qarşısında baş tutacaq.

InterPress.ge xəbər verir ki, dünən Hüquq Məsələləri Komitəsində “Gürcü Arzusu”nun təqdim etdiyi “Xarici Şəffaflıq” qanun layihəsi birinci oxunuşda müzakirə edilib.

Komitə səs-küy, mübahisə və etirazlar fonunda qanun layihəsini dəstəkləyib. Səhər saatlarından parlamentin arxa girişində etiraz aksiyası keçirilib. Saat 19:00-da aksiya iştirakçıları parlament binasının qarşısına doğru hərəkət edib. Bir neçə dəfə hadisə yerində vəziyyət gərginləşib, son rəsmi məlumatlara görə, polis 14 nəfəri saxlayıb.