Marneulidə aksiya keçiriləcək

Aprelin 17-i, saat 16:00-da Kvemo Kartlinin vətəndaş sektoru Marneuli şəhərində “Avropaya hə, Rus qanununa yox!” aksiyası keçirəcək.

InterPress.ge xəbər verir ki, aksiya iştirakçıları Marneuli Stadionundan Marneuli Meriyasına qədər dinc yürüş keçirəcəklər.

"İctimaiyyətin diqqəti bir daha “Rus qanunu”nun yaratdığı təhlükələrə yönəldiləcək. Onlar, həmçinin yerli hakimiyyət orqanlarını dövlət məmurları ilə vətəndaş sektoru arasında qarşıdurmanı dayandırmağa çağıracaqlar.

Aksiyanın məqsədi Gürcüstanın Avropa gələcəyini qorumaqdır".