Rustavidə əyləncə obyektində dava düşüb, gənc oğlan bıçaqlanıb

Rustavidə gənc oğlanı bıçaqlayıblar.

InterPress.ge-nin məlumatına görə, bir neçə gənc Leonidze küçəsində yerləşən əyləncə obyektinə daxil olub.

Məlumata görə, onlar bir gənclə mübahisə ediblər. Mübahisədən sonra gəncə xəsarət yetiriblər və hadisə yerindən qaçıblar.

Hadisə yerinə kriminal polis və bir neçə təcili yardım briqadası səfərbər edilib.

Yaralı “Klinika Rustavi”yə aparılıb. Təcili yardım şöbəsinin növbətçi həkimi Giorgi Modebadzenin sözlərinə görə, xəstəyə müvafiq tibbi yardım göstərilib və onun həyatı üçün təhlükə yoxdur.