Paytaxt Tbilisidə İlham Əliyevə dəstək aksiyası keçirilib

Tbilisi şəhərində 7 fevral 2024-cü il növbədənkənar prezident seçkilərində İlham Əliyevin namizədliyinin dəstəklənməsi məqsədilə avtomobil yürüşü keçirilib.

InterPress.ge xəbər verir ki, siyasətçi Fazil Əliyevin təşkilatçılığı ilə baş tutan dəstək aksiyası zamanı Azərbaycan bayrağı və İlham Əliyevin portretləri ilə bəzədilmiş avtomobil karvanı paytaxtın mərkəzi küçələrində hərəkət edib. 

Yürüşün sonunda müasir Azərbaycan dövlətinin qurucusu Heydər Əliyevin Tbilisidəki abidəsini ziyarət edən aksiya iştirakçıları səsvermə hüququ olan bütün Azərbaycan vətəndaşlarını prezident seçkilərində fəal iştirak etməyə və qətiyyətli siyasəti ilə Azərbaycan xalqına Zəfər bəxş edən İlham Əliyevə səs verməyə çağırıblar.