Avropa İttifaqının səfiri: "Mən sevinirəm ki, hökumət ildırım sürəti ilə hərəkət edir"

"Mən təsdiq edə bilərəm ki, hökumətin dünən müzakirə etdiyi və razılaşdırdığı fəaliyyət planı artıq Avropa Komissiyasına təhvil verilib".

InterPress.ge xəbər verir ki, bu barədə Avropa İttifaqının Gürcüstandakı səfiri Pavel Herçinski bildirib.

"Artıq dəfələrlə açıq və səmimi demişəm, mən optimistəm və buna görə də burada, Gürcüstandayam və Gürcüstanın uğurlarının bir hissəsi olmağa çalışıram. Hamımıza məlum olduğu kimi, noyabrın 8-də Avropa Komissiyası namizəd statusu ilə bağlı müsbət tövsiyə verib. İndi Avropa Birliyinə üzv olan 27 ölkə bunu nəzərdən keçirir və dekabrın 14-15-də qərar qəbul edəcək. Hökumətin ildırım sürəti ilə hərəkət etməsi məni çox sevindirir. Mən çox şadam ki, bu mübadilə vaxt itirməmək və islahatların düzgün istiqamətdə getdiyinə əmin olmaq üçün keçirilir ki, dekabrda namizəd statusunu aldıqdan sonra Gürcüstan növbəti addımları ən qısa zamanda ata bilsin və Ukrayna və Moldovaya çatsın”, - Herçinski bildirib.