Batumi limanı yaxınlığında polislə vətəndaşlar arasında qarşıdurma olub - Saxlanılanlar var

Batumi limanı yaxınlığında hüquq-mühafizə orqanlarının əməkdaşları 10-a yaxın vətəndaşı saxlayıblar.

InterPress.ge xəbər verir ki, Batumi limanında aksiya iştirakçıları ilə hüquq-mühafizə orqanlarının əməkdaşları arasında bir neçə dəfə qarşıdurma olub.

Soçidən gələn "Astoria Grande" kruiz layneri Batumi limanında etirazla qarşılanıb. Liman yaxınlığında sadə vətəndaşlar və müxalifət partiyalarının nümayəndələri aksiya keçirirlər.

Gecə saatlarında vətəndaşlar toplaşmağa başlayıb. Hadisə yerinə çoxlu sayda polis səfərbər edilib. Dəmir bəndlər quraşdırılıb.