Ermənistan parlamenti Gürcüstanla sadələşdirilmiş sərhəd keçidi haqqında sazişi ratifikasiya edib

Ermənistan parlamenti Gürcüstanla iki ölkə vətəndaşları üçün sadələşdirilmiş sərhəd keçidi haqqında sazişi ratifikasiya edib. 

InterPress.ge xəbər verir ki, bu barədə “Sputnik-Armeniya” məlumat yayıb.

İndi sərhədi keçmək üçün yalnız şəxsiyyət vəsiqəsi kifayət edəcək.

Bundan əvvəl məlum olub ki, Ermənistan parlamentinin müvafiq komissiyası sərhədin qarşılıqlı keçməsi haqqında saziş layihəsini təsdiqləyib.

Ermənistanın hakim partiyasının deputatı Qurgen Arsenyan deyib: “Ermənistan öz qonşuları ilə dinc yanaşı yaşamanın effektiv sxemini qura bilər və qurmalıdır”.

“Bu baxımdan Gürcüstanla münasibətlər ən yaxşı “pilot layihə”yə çevrilə bilər və biz digər qonşularla belə bir rejimə çalışmalıyıq”, - o deyib.