Qirçi partiyası Parlament qarşısında aksiya keçirir

Parlamentin qarşısında “Qirçi” partiyası “Köləliyə Yox” adlı aksiya keçirir.

InterPress.ge xəbər verir ki, Qirçi partiyası “Müdafiə Məcəlləsi”nə dəyişikliklərə etiraz edirlər.

“Qirçi”nin deputatı Sandro Rakviaşvilinin sözlərinə görə, mitinqin təşkilatçıları məcburi hərbi xidmətin könüllü olmasını tələb edirlər.

“Biz ordunun könüllü olmasını, heç kimin onun iradəsi əleyhinə çağırılmamasını tələb edirik. Hökumət vətənpərvər olduğunu deyirsə, əhalini, müdafiə qabiliyyətini, ordunu düşünür, onun vəzifələrindən biri də orduda lazımi şərait yaratmaq, [əsgərlərə] layiqli maaş verməkdir, sonra isə xalq könüllü olaraq orduya qoşulacaq”, - Rakviaşvili bildirib.

Onun sözlərinə görə, “Qirçi” əsgər peşəsinə qiymət verilməsini tələb edir.

“Biz tələb edirik ki, əsgərlik peşəsinə qiymət verilsin. 125 lari üçün zorla və şlaqbaumun üstünə qoyaraq heç nə çıxmaz. Bunun vətənpərvərlik və özünümüdafiə ilə heç bir əlaqəsi yoxdur”, - deyə deputat əlavə edib.

Məlumat üçün bildirək ki, Gürcüstan Müdafiə Nazirliyi tərəfindən hazırlanan Müdafiə Məcəlləsi fevralın 6-da parlamentin Bürosuna təqdim edilib. Qanunvericilik paketi bir sıra yenilikləri, o cümlədən din xadiminin məcburi hərbi xidmətə çağırışdan möhlət hüququndan artıq istifadə edə bilməyəcəyini nəzərdə tutur. Din xadimləri qeyri-hərbi alternativ işə çağırılacaqlar. Bundan əlavə, dünən Müdafiə Nazirliyinin yaydığı məlumata görə, tələbələr yalnız istədikləri təqdirdə və yalnız Müdafiə Nazirliyinin sistemində xidmət edəcəklər.