Bu gün Rustaveli prospektində aksiya keçiriləcək
Vətəndaş fəallarının qərarına əsasən, bu gün Rustaveli prospektində saat 19:00-da mitinq keçiriləcək.
InterPress.ge xəbər verir ki, Tbilisi şəhər şurasının “Qirçi-Daha Azadlıq”dan olan üzvü Tsotne Koberidzenin brifinqdə qeyd etdiyinə görə, bugünkü mitinqdə onlar hakim komandadan “agentlər haqqında” qanun layihəsini necə geri götürmək niyyətində olduqlarına aydınlıq gətirmələrini tələb edəcəklər.
Vətəndaş fəalları saxlanılan etirazçıların azad edilməsini də tələb edirlər.
“Bu gün mütləq mitinq olacaq! “Gürcü Arzusu”na inanmayan. Biz iki nöqtənin yerinə yetirilməsini tələb edən insanlarıq. Onların bu qanunu necə geri götürmək niyyətində olduqlarına aydınlıq lazımdır, çünki onların bəyanatları qeyri-müəyyəndir. İkincisi, bizim yanımızda olub mübarizə aparan adamlar saxlanılıblar və azadlığa buraxılmalıdır.
Gürcüstan zəmanətli Qərbyönümlü kursa keçməyincə proseslər dayanmayacaq”, - deyə Tsotne Koberidze bildirib.
Məlumat üçün bildirək ki, hakim komanda və “Xalqın gücü” "agentlər"lə bağlı birinci oxunuşda dəstəklənən qanun layihəsini geri götürmək qərarına gəlib.
