Giuli Alasaniya: "Aşkar şəkildə hamımız bir insanın necə öldürüldüyünü izləyirik"

"Açıq şəkildə hamımız bir insanın necə öldürüldüyünü izləyirik".

InterPress.ge xəbər verir ki,  bu sözləri Tbilisi Şəhər Məhkəməsində üçüncü prezident Mixeil Saakaşvilinin anası Giuli Alasaniya bildirib.

Alasaniyanın dediyinə görə, dünən Mixeil Saakaşvilinin ürəyi yenə dayanıb və bir gündə yenidən 1 kiloqram arıqlayıb.

“Çox pisdir, çox. Bütün bunlar uzanır və bir seans əslində bir nəfərin dindirilməsini tələb edir - onların hələ də sorğu-sual etmək üçün 100 nəfəri var və hər gün iclaslar olur. Bu nə deməkdir? Onu öldürmək isdəyirlər, mənim başqa nəticəm yoxdur”, - Giuli Alasaniya bildirib.
Məlumat üçün bildirək ki, Saakaşvilinin vəkilləri Gürcüstanın keçmiş prezidentinin cəzasının təxirə salınması və ya cəzadan azad edilməsi üçün məhkəməyə müraciət ediblər. Həmin vəsatətə hakim Qiorqi Arevadze baxacaq.