Aleksey Polonçuk: "Ukrayna ilə danışıqlar birbaşa, vasitəçilərsiz aparılmalıdır"

"Rusiya və Ukrayna arasında danışıqlar yenilənərsə, çox güman ki, birbaşa, vasitəçilərsiz olacaq, bu, ən yaxşı variantdır".

InterPress.ge xəbər verir ki, bu sözləri Rusiya Xarici İşlər Nazirliyinin MDB üzrə ikinci departamentinin direktoru Aleksey Polonçuk TASS-a müsahibəsində bildirib.

“Əgər və nə vaxt bu təmaslar bərpa olunarsa, onlar çox güman ki, birbaşa olacaq və bu, ən yaxşı variant olacaq, çünki təcrübə göstərir ki, Qərb vasitəçiləri çox vaxt öz məqsədlərini güdürlər və danışıqlara təsir göstərməyə çalışırlar və münaqişənin həlli üçün deyil, öz siyasi və iqtisadi maraqları əsasında hərəkət edirlər”, - deyə o, "Rusiya tərəfinin birbaşa olaraq Rusiya tərəfi ilə gələcək danışıqlara hazır olub-olmadığı" sualına belə cavab verib. 

Aleksey Polonçukun sözlərinə görə, ötən il Ukrayna tərəfi ilə danışıqlar birbaşa olub.

“İndiyədək biz yalnız ukraynalılarla birbaşa əlaqə saxlamışıq, bizə təklif olunan platformalardan istifadə etmişik və bunu həqiqətən yüksək qiymətləndiririk. Ötən ilin fevral -aprel aylarında Rusiya-Ukrayna dialoqunun üç raundu Belarusda, biri isə Türkiyədə keçirilib. Sonralar, demək olar ki, hər gün videobağlantı vasitəsilə əlaqə quruldu, bunlar ukraynalılarla birbaşa danışıqlar idi", - Polonçuk qeyd edib.