Laqodexidə ağır yol qəzasında iki nəfər ölüb

Laqodexidə baş verən qəzada iki nəfər ölüb.

InterPress.ge xəbər verir ki, hadisə gecə saatlarında Vardisubani kəndi yaxınlığında baş verib.

28 və 35 yaşlı oğlanlar avtomobillə hərəkətdə olarkən sürücü sükanın idarəetməsini itirib, sürüşərək ağaca çırpılıb. Hər iki şəxs aldığı xəsarətlərdən yerindəcə ölüb.

Hadisə ilə bağlı araşdırmalara başlanılıb.