23 
Nybr
2022
11:18
100

Oliver Varhey: "Avropa İttifaqı liderləri təsdiq ediblər ki, Komissiyanın tövsiyələri yerinə yetiriləndən sonra Gürcüstana namizəd statusu verəcəklər"

"Avropa İttifaqı liderləri Ukrayna və Moldovaya namizəd statusu veriblər, təsdiq ediblər ki, Komissiyanın tövsiyələri yerinə yetiriləndən sonra Gürcüstana da bu statusu verəcəklər".

InterPress.ge xəbər verir ki, bu barədə Aİ-nin genişlənməsi üzrə Avropa komissarı Oliver Varhey Avropa Parlamentində keçirilən və Aİ-nin yeni genişlənmə strategiyasının müzakirə olunduğu sessiyada bildirib.

Onun sözlərinə görə, Avropa İttifaqının genişlənməsi xarici siyasətdə ən uğurlu alət olaraq qalır.

“Aİ-nin genişlənmə siyasəti meyarlara və standartlara cavab vermək üzərində qurulub. Genişlənmə siyasəti ləyaqətə əsaslanan qərara əsaslanır və bu, bizim geosiyasi maraqlarımızdır. İyun ayında Aİ sammitində təşkilata üzv dövlətlərin liderləri Ukrayna, Moldova və Gürcüstanın Avropa perspektivini tanıdılar. Liderlər Ukrayna və Moldovaya namizəd statusu veriblər. Liderlər Avropa Komissiyasının təqdim etdiyi 12 tövsiyənin icrasından sonra Gürcüstana namizəd statusu verəcəklərini təsdiqləyiblər. Avropa İttifaqının liderləri Qərbi Balkan ölkələrinə də sarsılmaz dəstəklərini ifadə ediblər”, - Oliver Varhey bildirib.
 

Bizimlə əlaqə saxlayın