Nazir bəzi məhsulların qiymətinin enə biləcəyini açıqladı

"Müəyyən məhsullar üçün qiymətlərin azaldılması gözləntiləri ola bilər və bu, şübhəsiz ki, gələcək aylarda inflyasiyaya təsir edəcək".

InterPress.ge xəbər verir ki, bu barədə ətraf mühitin mühafizəsi və kənd təsərrüfatı naziri Otar Şamuqia hökumətin iclası başa çatdıqdan sonra məlumat verib.

Onun sözlərinə görə, qiymət artımı tendensiyası bütün dünyada mövcuddur və Gürcüstan da istisna ola bilməz.

“Qonşu ölkələrdə, Avropada və başqa yerlərdə inflyasiya mövcuddur, baxmayaraq ki, müsbət dinamika var, məsələn, buğda istiqamətində qiymətlərin enməsi və bu, artıq bizim bazara da öz təsirini göstərib, bəzi istehsalçılar qiyməti 10 tetri endirib. Ona görə də müəyyən məhsullar üzrə qiymətlərin azaldılması gözləntiləri ola bilər və bu, şübhəsiz ki, yaxın aylarda inflyasiyaya təsir edəcək.

Qeyd etmək lazımdır ki, iqtisadiyyatımızda ikirəqəmli artım var və biz bunu qoruyub saxlayırıq, daha çox gəlirimiz var və buna görə də büdcəmizdə ciddi dəyişiklik etmək imkanı var. Daha çox gəlir daha çox vəsait deməkdir, fermerlərimizə və sakinlərimizə kömək etmək və iqtisadiyyata daha çox stimul vermək üçün daha çox imkanlar deməkdir”, - nazir bildirib.