Gürcüstanın daxili işlər nazirinin müavini Lukaşenkonun Abxaziyaya “səfər”inə münasibət bildirdi

Gürcüstanın daxili işlər nazirinin müavini Aleksandre Daraxvelidze bildirib ki, Lukaşenkonun Abxaziyaya gəlişi beynəlxalq hüquq normalarının kobud şəkildə pozulmasıdır.

InterPress.ge xəbər verir ki, Daraxvelidze Belarus prezidenti Aleksandr Lukaşenkonun Abxaziyaya “səfər”inə münasibət bildirib.

“Bu, çox ciddi fakt idi, təbii ki, biz onun Rusiya tərəfindən işğal olunmuş Abxaziya regionuna “səfər”ini pisləyirik, bu, beynəlxalq hüquq normalarının kobud şəkildə pozulmasıdır. Dövlətimiz bu təxribatçı hərəkətə adekvat cavab vermək üçün beynəlxalq hüquq çərçivəsində hər şeyi edəcək. Beynəlxalq hüquqa əsasən, müvafiq tədbirlər nəzərdə tutulur və dövlət həmin normalara uyğun hərəkət edəcək”, - Daraxvelidze bildirib.