Həyat yoldaşına zorakılıq edən şəxs saxlanılıb - VİDEO

Kobuleti rayonunun Çakvi kəndinin 38 yaşlı sakini həyat yoldaşına zorakılıq ittihamı ilə saxlanılıb.

InterPress.ge xəbər verir ki, bu barədə Gürcüstan Daxili İşlər Nazirliyinin mətbuat xidməti məlumat yayıb.

Məlumata görə, saxlanılan şəxs həyat yoldaşı ilə mübahisə zamanı ona şifahi və fiziki təhqirlər edib.

Hadisə ilə əlaqədar "ailə zorakılığı" maddəsi ilə cinayət işi başlanıb. Saxlanılan şəxsi 2 ilə qədər həbs cəzası gözləyir.

Qeyd edək ki, ailə zorakılığı Gürcüstanda ən çox görülən cinayətlərdən biri olaraq qalır. 2019-cu ildə 5 minə yaxın belə hal qeydə alınıb, onlardan sadəcə 3 minə yaxını aşkarlanıb.