Rustavidə məktəb binasının pəncərələrini təmizləyərkən 3-cü mərtəbədən yıxılan qadın reanimasiyadadır

Rustavidə 15 saylı orta məktəbinin üçüncü mərtəbəsindən yıxılan 50 yaşlarında qadın reanimasiya şöbəsindədir.

lnterPress.ge xəbər verir ki, “Rustavi” klinikasının neyrocərrahı Davit Gelaşvilinin sözlərinə görə, xəstə əməliyyat olunub, səhhəti stabildir.

“Hazırda xəstə reanimasiyadadır, oyaqdır, çanaq sümükləri güclü zədələndiyi üçün kifayət qədər şiddətli ağrılar olsa da, hər iki aşağı ətraflarında hərəkət var. Hazırda vəziyyət stabildir”, - deyə Davit Gelaşvili bildirib.

Xatırladaq ki, Rustavidə yaşı 50 yaşlarında qadın 15 saylı dövlət məktəbinin üçüncü mərtəbəsindən yıxılaraq xəsarət alıb. O, məktəbdə xadimə işləyirmiş və pəncərələri təmizləyərkən hündürlükdən yıxılıb.