Axalqoridə dəhşətli yol qəzası - Ata və 12 yaşlı oğlu həyatını itirdi

Çxinvali-Axalqori yolunda, Dmeni kəndi yaxınlığında yol qəzası baş verib. Qəza nəticəsində ata və 12 yaşlı oğlu həlak olub.

lnterPress.ge xəbər verir ki, rəsmi açıqlamada qeyd edildiyinə görə, sürücü sükanı idarə edə bilməyib və yolun hərəkət hissəsindən çıxıb.

“62 yaşlı sürücü sükanı idarə edə bilməyib, yolun hərəkət hissəsindən çıxıb, nəticədə avtomobil aşıb. Kişi aldığı xəsarətlərdən yerindəcə həyatını itirib, azyaşlı oğlu, qızı və arvadı isə Çxinvali xəstəxanasına aparılıb.

Qəza zamanı uşaq xəsarətlər alıb, həkimlər əllərindən gələni ediblər”, - deyə Çxinvali Respublika Xəstəxanasının bəyanatında qeyd olunub.

Qeyd edək ki, hadisə sentyabrın 3-də baş verib.