Ğvareli bələdiyyəsində meşə yanır

Ğvareli bələdiyyəsinin Şilda kəndində meşə yanır. Borjomidən sonra Kaxeti təbii fəlakət zonasına çevrildi. Bu mərhələdə 10 yanğın nöqtəsi var. Bütün gün ərzində aviasiya alp zonasında uçur.

InterPress.ge xəbər verir ki, yanğın əlçatmaz, texnikanın çatmadığı yerdə baş verib, sakinlər alovun evlərə necə yaxınlaşdığını öz gözləri ilə seyr etdikləri üçün təşvişə düşüblər.

İlkin məlumata görə, yanğının söndürülməsinə yüzlərlə xilasedici və hərbi qulluqçu da cəlb olunub.

Hazırda canlı qüvvə ilə yanğınsöndürmə işləri davam etdirilir. Proses sabah davam edəcək, işçi qüvvəsi yerində qalır. Ehtiyacdan asılı olaraq yanğınsöndürmə işləri gecə boyu davam etdiriləcək.

Yanğının yayılma təhlükəsi azdır, Şilda kəndi heç bir təhlükə altında deyil, - Ğvareli bələdiyyəsinin meri Qivi Zautaşvili deyir.