Türkiyədə koronavirusla bağlı son vəziyyət

Son sutkada Türkiyədə koronavirusdan daha 14 nəfər ölüb.

InterPress.ge xəbər verir ki, bu barədə Səhiyyə naziri Fahrettin Koca bildirib.

O, qeyd edib ki, bununla da ölkədə pandemiya qurbanlarının sayı 4 792 nəfərə çatıb.

Qeyd edilir ki, son sutkada ölkədə koronavirusa daha 1 459 yoluxma qeydə alınıb. Bununla da COVID-19-a yoluxma ilə bağlı aşkar edilmiş halların sayı 176 677-yə çatıb.

Ötən gün Türkiyədə 985 koronavirus xəstəsi sağalıb. Beləliklə, koronavirusdan sağalanların ümumi sayı 150 087 nəfərə çatıb.