Mixail Saakaşvilinin səhhətinin pisləşməsi ilə bağlı yayılan xəbərlərə açıqlama verildi

Məhkum Mixail Saakaşvilinin səhhətinin pisləşməsi ilə əlaqədar 18 saylı cəzaçəkmə müəssisəsinin yaxınlığında təcili yardım briqadasının səfərbər edilməsi zərurətinin yaranması barədə yayılanlar yalan məlumatdır.

InterPress.ge xəbər verir ki, bu barədə Xüsusi Penitensiar Xidmətin məlumatında deyilir.

Penitensiar Xidmətdən verilən məlumata görə, Mixail Saakaşvilinin səhhəti stabildir və o, tibb işçilərinin daimi nəzarətindədir.

"Mixail Saakaşvilinin səhhətinin stabil olduğunu və tibb işçilərinin daimi nəzarətində olduğunu izah edirik.

Mixail Saakaşvilinin heç bir növ reanimasiya tədbirlərinə ehtiyacı olmasa da, o, profilaktik məqsədlərlə reanimasiya şöbəsinin yanındakı palatadadır. Müəssisənin reanimasiya şöbəsi bütün zəruri müasir avadanlıqlarla, eləcə də bütün lazımi dərman preparatları ilə təchiz olunub. Ehtiyac halında, Mixail Saakaşviliyə məhbuslar təxliyyə edilmədən dərhal müvafiq tibbi yardım göstəriləcək.

Buna görə də, bu, şişirdilmiş və ictimaiyyəti çaşdırmaq cəhdidir, sanki məhkum Mixail Saakaşvilinin təcili yardıma ehtiyacı olduğu təqdirdə müəssisədə vaxtında kömək göstərilə bilməz", - deyə Xüsusi Penitensiar Xidmətdən bildirilib.