Yaxın günlər üçün hava proqnozu

Mayın 28-də istilər fonunda Gürcüstanın bəzi yerlərində qısamüddətli yağış yağacağı və şimşək çaxacağı gözlənilir. Aran bölgələrində havanın temperaturu +25, +30 dərəcə olacaq.

InterPress.ge xəbər verir ki, bu barədə məlumat Milli Ətraf Mühit Agentliyi tərəfindən yayılır.

Məlumata görə, 29-30 may tarixlərində Gürcüstanda arabir yağış yağacaq, bəzi yerlərdə dolu və güclü külək ola bilər. Hava istiliyi ölkənin qərb hissəsində +20, +25 dərəcəyə enəcək, Şərqi Gürcüstanın aran bölgələrində isə +28, +33 dərəcəyə yüksələcək.