Gürcüstanda benzinin qiyməti rekord həddə çatdı

Gürcüstanın əksər brend yanacaqdoldurma məntəqələrində “Super” markalı benzinin bir litrinin qiyməti 3 larini ötüb.

InterPress.ge xəbər verir ki, bu, yanacaq bazarında rekord həddir.

Beynəlxalq bazarlarda neftin bahalaşması və larinin ucuzlaşması ilə aşağı keyfiyyətli yanacaq növlərinin də qiymətlərinin artacağı gözlənilir.

Hazırda ölkədə benzinin ən aşağı qiyməti bir litr üçün 2,74 lari təşkil edir.