Sinoptiklər may ayının 9-na və 10-na olan hava şəraitini açıqladı

9-10 may tarixlərində Gürcüstanda şimşək çaxacağı, bəzi yerlərə dolu düşəcəyi, dağlıq ərazilərdə qar yağacağı, zaman-zaman çox güclü küləklər olacağı və dənizdə 3-4 bal gücündə fırtına olacağı gözlənilir.

InterPress.ge xəbər verir ki, bu barədə Milli Ətraf Mühit Agentliyindən məlumat verilib.

Məlumata görə, Gürcüstan çaylarında gözlənilən güclü yağışlar suyun səviyyəsində əhəmiyyətli dərəcədə artım, kiçik çaylarda daşqınlar və ölkənin dağlıq ərazilərində qar uçqunlarının yaranmasına və sürüşmələrin intensivləşməsinə səbəb ola bilər.