Tbilisinin mərkəzində qətl hadisəsi baş verdi

Tbilisinin Avlabari ərazisində qətl hadisəsi baş verib. Hadisə nəticəsində orta yaşlı kişi öldürülüb.

InterPress.ge xəbər verir ki, ilkin məlumata görə, cinayətin hansı səbəbdən törədildiyi hələlik məlum deyil. Hadisəni törətməkdə şübhəli bilinən şəxs bu mərhələdə saxlanılmayıb.

Gürcüstan Daxili İşlər Nazirliyindən bildirilib ki, faktla bağlı Cinayət Məcəlləsinin 108-ci maddəsi ilə istintaq başlanıb. Sözügedən maddə qəsdən adam öldürməni nəzərdə tutur.