Günəş şüası koronavirusa təsir edirmi? - Açıqlama

“Ölkədə maska taxma nisbəti artdı, əhalinin təxminən yüzdə 20-si infeksiya keçirib”.

InterPress.ge xəbər verir ki, bu barədə Milli Xəstəliklərə Nəzarət Mərkəzinin rəhbəri Amiran Qamğrelidze məlumat verib.

Eyni zamanda, Qamğrelidze günəş şüalarının virusa təsir etdiyini, isti hava ilə birlikdə virusun zəifləyə biləcəyini söyləyib.

“Bugünkü epidemiya vəziyyəti mart-aprel aylarına nisbətən daha pisdir. Lakin, səhiyyə sistemi tərəfindən epidemioloji vəziyyət olduqca yaxşı idarə olunur. Yeni halların sayı tamamilə idarə olunur və səhiyyə sektoruna çox təzyiq göstərmir. Çarpayı fondu yetərlidir, kifayət qədər həkim, həmçinin oksigen, dərman mövcuddur. Gündə 2.000-3000-4000 yeni koronavirus halı görmək istəmirik. Böyük ehtimalla və hərtərəfli riyazi proqnozlarla bura qədər gəlib çıxmayacağıq, çünki maska taxmağa öyrəşdik. Son məlumatlara görə, maska taxma nisbəti 75%-dir. 95%-ə çatdığımız təqdirdə inanın ki, daha yaxşı indikatorlara sahib olacağıq. İkincisi, əhalinin təxminən 20%-i infeksiya keçirmişdir. Üçüncüsü, yay, isti havalar gəlir. Günəş işığı bu virusa təsir edir və ehtimal ki, onu getdikcə zəiflədəcək. Bununla birlikdə, əlbətdə ki, az hissə peyvənd olundu, amma müəyyən sayda insan peyvənd olunub” , - dedi Amiran Qamğrelidze.