ABŞ Federal Təhqiqat Bürosunun (FBI) məlumat bazasına kiberhücum həyata keçirilib.
InterPress.ge xəbər verir ki, CNN mənbələrə istinadən FBI-nın Milli Kriminal İnformasiya Mərkəzinin məlumat bazasına kiberhücum edildiyini yayıb.
Mənbələrin məlumatına görə, bu, son bir neçə ay ərzində FBI-nın Milli Kriminal İnformasiya Mərkəzinə sızma ilə bağlı ikinci hadisədir.
FBI bu məlumat bazasından ölkə üzrə yoxlamalar aparmaq və orderlərin verilməsi üçün zəruri məlumatları əldə etmək məqsədilə istifadə edir.
Sentyabr ayında baş vermiş hücuma görə məsuliyyəti **ShinyHunters** adlı haker qruplaşması üzərinə götürmüşdü. Həmin hücum zamanı qruplaşmanın hədəfi FBI əməkdaşlarının şəxsi məlumatları olub.
