Gürcüstanda ağır yol qəzası baş verdi - 5 yaralı

Zuqdididə, Soxumi küçəsində iki avtomobil bir-biri ilə toqquşub.

InterPress.ge xəbər verir ki, yol qəzası nəticəsində nəqliyyat vasitələrinin sərnişinləri yaralanıb.

Məlumata görə, "Honda Fit" markalı avtomobilin sərnişininin vəziyyəti nisbətən ağırdır.

Yaralananların beşi də təcili yardım qrupu tərəfindən Zuqdidi Referal Xəstəxanasına aparılıb və hazırda müayinə olunurlar.

Hadisə yerinə ekspert-kriminalistlər və patrul polisi cəlb olunub.

Daxili İşlər Nazirliyindən verilən məlumata görə, hadisə ilə bağlı istintaq Cinayət Məcəlləsinin yol təhlükəsizliyi və ya istismar qaydalarının pozulmasını nəticəsində sağlamlığa az ağır zərər vurulmasını nəzərdə tutan 276-cı maddənin ikinci hissəsinə əsasən başladıldı.