Restoranda partlayış baş verdi -Yaralılar var

Axalçixe şəhərinin Rustaveli küçəsində "İmereti" restoranında partlayış baş verib.

InterPress.ge xəbər verir ki, partlayış nəticəsində iki nəfər yaralanıb.

Fövqəladə Hallar İdarəsindən verilən məlumata görə, 12 ailə binadan təxliyyə olunub. Onların sözlərinə görə, partlayışa təbii qaz sızması səbəb olub. Yaralılar təcili tibbi yardım qrupları tərəfindən xəstəxanaya aparılıb.

İlkin məlumata görə, beş mərtəbəli binanın birinci mərtəbəsində yerləşən fəaliyyətsiz restoranın zirzəmisində təbii qaz partlayışı baş verib. Binaya qismən ziyan dəyib. İtki yoxdur.

Hüquq-mühafizə orqanları hadisə yerinə cəlb olunub. Sahə sarı bir lentlə haşiyələnib.