Gürcüstanda ağır yol qəzası baş verdi - 1 ölü, 2 yaralı

Kobuleti Bələdiyyəsinin Gvara kəndində baş verən avtomobil qəzasında bir nəfər ölüb, iki nəfər yaralanıb.

InterPress.ge xəbər verir ki, yaralananlardan biri klinikaya aparılmış hamilə qadındır.

Mövcud məlumatlara görə, iki avtomobil bir-biri ilə toqquşub.

Daxili İşlər Nazirliyi hadisə ilə bağlı Cinayət Məcəlləsinin 276-cı maddəsinin 6-cı hissəsi ilə istintaq başladıb.