Gürcüstanda bu gün koronavirusa yoluxmalarda sevindirici statistika müşahidə olunur

Gürcüstanda yeni növ koronavirusa (COVID-19) son 24 saat ərzində 824 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların sayı 209, 462 nəfərə çatıb.

Sağalanların sayına gəldikdə isə, ölkədə son 24 saat ərzində 4 227 sağalma qeydə alınaraq ümumi sağalanların sayı 184, 668 nəfər təşkil edib.

Qeyd edək ki, koronavirusdan daha 46 nəfər ölüb və ölənlərin ümumi sayı 2 140 nəfər təşkil edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.