Bakı-Qazax yolunda Gürcüstan dövlət nömrə nişanlı avtomobili qəzaya düşdü - Ölən və yaralanan var

Bakı-Qazax avtomobil yolunda ölümlə nəticələnən yol qəzası baş verib.

InterPress.ge-nin yerli mətbuata məlumatına görə, yolun Yevlax rayonu ərazisindən keçən hissəsində yük avtomobili Gürcüstan dövlət nömrə nişanlı digər yük maşınına çırpılıb.

Qəza nəticəsində Bakının Hövsan qəsəbəsinin sakini, 1985-ci il təvəllüdlü Firuzə Cabbarova vəfat edib.

Hadisə yerinə Dövlət Yol Polisi idarəsinin əməkdaşları və təcili tibbi yardım maşını cəlb olunub. Qəzada sürücülərdən biri xəsarət alıb.

Fakta bağlı araşdırma aparılır.