Gürcüstan gömrüyündə Türkiyə vətəndaşı saxlanıldı - VİDEO

Daxili İşlər Nazirliyinin əməkdaşları Karçaxi gömrük keçid məntəqəsində Türkiyə Respublikasının 1970-ci il təvəllüdlü vətəndaşını saxlayıblar.

InterPress.ge xəbər verir ki, bu barədə Daxili İşlər Nazirliyinin mətbuat xidməti məlumat yayır.

Daxili İşlər Nazirliyindən verilən məlumata görə, saxlanılan şəxs külli miqdarda narkotik və yeni psixoaktiv maddələrin qanunsuz alınması və saxlanılmasında, Gürcüstana qanunsuz idxalda və beynəlxalq tranzitdə ittiham olunur.

“Maliyyə Nazirliyinin Gəlirlər Xidmətinin Gömrük İdarəsinin əməkdaşları, saxlanılan şəxsin avtomobilində xüsusi gizlətmə yerində yarım kiloqram eroin və 99 həb olan yeni psixoaktiv maddə olan aşkar etdilər ki, bu da polis tərəfindən sübut kimi götürüldü. Araşdırmada P.D. tərəfindən ələ keçirilən narkotik maddələrin qaçaqmalçılıq yolu ilə Türkiyədən Özbəkistana Gürcüstan ərazisindən keçirməyə çalışdığı məlum olub. Gürcüstan Cinayət Məcəlləsinin 260-cı maddəsinin 2-ci hissəsinin, 260-cı maddəsinin 6-cı hissəsinin “a” yarımbəndi, 262-ci maddənin 1-ci primahissəsi, 262-ci maddənin 4-cü hissəsinin “a” yarımbəndinə əsasən, qanunsuz olaraq külli miqdarda narkotik vasitə və yeni psixoaktiv maddələrin alınması və saxlanılması, qanunsuz idxal və Gürcüstan ərazisindən tranzit keçirilməsi faktları üzrə istintaq aparılır. Cinayət 8 ildən 20 ilə qədər və ya ömürlük həbs cəzası nəzərdə tutur.”, - deyə Daxili İşlər Nazirliyinin yaydığı məlumatda qeyd olunur.