Gürcüstanda bu gün koronavirusa yoluxma hallarında ciddi azalma müşahidə olundu- SON VƏZİYYƏT

Gürcüstanda yeni növ koronavirusa (COVID-19) son 24 saat ərzində 2 501 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların sayı 164 976 nəfərə çatıb.

Sağalanların sayına gəldikdə isə, ölkədə son 24 saat ərzində 3 988 sağalma qeydə alınaraq ümumi sağalanların sayı 137 499 nəfər təşkil edib.

Qeyd edək ki, koronavirus səbəbi daha 36 nəfər ölüb və ölənlərin ümumi sayı 1540 nəfər təşkil edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.