Marneuli sakinlərinin yolları bərbad vəziyyətə düşüb - FOTO

Marneulinin Cavaxişvili küçəsinin sakinləri küçələrinin bərbad vəziyyətdə olduğunu deyirlər.

Bu barədə sakinlər InterPress.ge-yə müsahibəsində bildiriblər.

Onlar qeyd edirlər ki, məhlədə su ilə bağlı qazıntı işləri aparılıb və yollar bərbad vəziyyətə düşüb.

“Məhləmizdə qazıntı işləri aparıldı və su sistemi çəkildi. Yollarımızı isə bu cür bərbad vəziyyətə qoydular. Küçəyə çıxanda ayağmıza salafan taxırıq, asvalta çıxana kimi ayağımızda salafanla hərəkət edirik. Baxın görün nə gündəyik. Bu problemə baxan yoxdur”, - deyə sakinlər qeyd edir.