Gürcüstanda parlament seçkilərinin ikinci turu keçirildi.
InterPress.ge məlumat verir ki, ikinci turda seçicilərə 1914 seçki məntəqəsi və istisna halında yaradılan doqquz seçki məntəqəsi xidmət edirdi.
Səs vermə prosesi başa çatdıqdan sonra səslərin hesablanması prosedurları başladı.
Xatırladaq ki, parlament seçkilərinin ilk turu Gürcüstanda oktyabrın 31-də keçirilib.
Seçki məntəqələrinin yekun aktları xüsusi veb-səhifə – results.cec.gov.ge-də yerləşdiriləcək.
Seçkilərin nəticələrinə görə, bir faizlik baryeri keçən partiyalar parlamentə daxil olmaqdan imtina edirlər.
