Marneulidə bütün məktəblər bağlanır - AÇIQLAMA

13 noyabr tarixindən Marneulinin bütün məktəbləri distant təhsil rejiminə keçir.

InterPress.ge xəbər verir ki, bu barədə məlumatı Marneuli Təhsil Resurs Mərkəzinin rəhbəri Kənan Ömərov təsdiqləyib.

Onun sözlərinə görə, koronavirusa yoluxma hallarının sayının artmasına görə bu qərar qəbul edilib.

“İctimai Səhiyyə Mərkəzinin tövsiyəsinə əsasən bələdiyyədəki bütün məktəblər onlayn rejimə keçəcək.”

Ömərov məktəblərin hansı vaxta kimi bağlı qalacağını hələ ki, bilmir.

Qeyd edək ki, indiyə kimi yalnız Marneuli şəhərində olan məktəblər distant rejimə keçmişdi./Marneulifm/