Tbilisi yeni ilə hazırlaşır

Tbilservice Group yeni il işıqlandırmalarını paytaxtda quraşdırmağa başlayıb.

InterPress.ge xəbər verir ki, müvafiq işlər birinci mərhələdə Davit Quramişvili prospektində aparılıb.

Tbilisi meriyasından verilən məlumata görə, "Gürcüstan" kinoteatrından "Sarajişvili" metro stansiyasına qədər olan yol hissəsində 100-dən çox işıq cihazı quraşdırılıb. Tbilservice Groupun direktor müavini Davit Paçulia quraşdırılma prosesi ilə yaxından tanış olub.

İşlərin həcmi səbəbindən yeni il işıqlandırmalarının quraşdırılması dekabrın ortalarına qədər davam edəcəkdir. Yeni il işıqlandırmaları paytaxtın demək olar ki, bütün rayonlarında quraşdırılacaqdır.