Baş nazir vətəndaşlara sosial yardımın olacağını açıqladı

"Biz həm biznesə dəstək, həm də vətəndaşlarımızın sosial dəstəyi baxımından əlavə tədbirlər hazırlayırıq".

InterPress.ge xəbər verir ki, bu barədə Gürcüstanın Baş naziri Qiorqi Qaxaria Imedi TV-də deyib.

"Əlbəttə ki, iqtisadiyyatımız üçün əsas çətinliklər, ilk növbədə, qlobal pandemiya, qlobal iqtisadi böhran idi, lakin bərpa prosesinə başlamışdıq və yaxşı gedirdik. Məlumdur ki, regionlarda qeyri-müəyyənlik dərəcəsini daha da artıran bir qarşıdurma var və əlbətdə ki, indi hamımız üçün ortaq bir vəzifə olan bu siyasi təlatüm, iqtisadiyyata daha çox sabitlik gətirmək üçün ən qısa müddətdə bitməlidir" - deyə Qiorqi Qaxaria bildirib.

Onun sözlərinə görə, Beynəlxalq Valyuta Fondunun rəhbərləri ilə Gürcüstanda mövcud iqtisadi prosesləri, çağırışları qiymətləndirmək və onlara cavab vermək üçün bir görüş keçirdi.

"Sizə demək istəyirəm ki, çətinliklər, xüsusən də ilin sonunadək həqiqətən ciddi olacaqdır. İndi həm biznes dəstəyi, həm də vətəndaşlarımıza sosial dəstək baxımından əlavə tədbirlər hazırlayırıq. Beynəlxalq tərəfdaşlarımızla fəal şəkildə işləyirik. İlin olduqca çətin olacağını başa düşürük, lakin bölgələrdə sürətli iqtisadi bərpa potensialını qorumaq üçün hər fürsətimiz var",- dedi Qaxaria.