Hökumət administrasiyasının rəhbəri koronavirusa yoluxdu

Hökumət administrasiyasının rəhbəri Natia Mezvrişviliyə koronavirus diaqnozu qoyulub.

InterPress.ge xəbər verir ki, bu barədə Mezvrişvili sosial şəbəkədə yazıb.

"Məndə Covid-19 təsdiqləndi, yaxşıyam, evdə müalicə alıram və mümkün qədər işləməyə davam edirəm", - Mezvrişvili yazır.

Mezvrişvili dünən yoluxanlarla təmasda olduğu üçün özünü təcrid etməyə keçmişdi.

Məlumat üçün bildirək ki, dünən koronavirus Baş nazir Qiorqi Qaxariada da aşkarlanıb.

Eyni zamanda İqtisadiyyat və Davamlı İnkişaf Naziri Natia Turnava, yoluxmuş şəxslə təmasda olduğu üçün özünü təcrid edir.