Gürcüstanda hava pisləşir

Gürcüstanda hava pisləşəcək.

InterPress.ge xəbər verir ki, bu barədə Milli Ətraf Mühit Agentliyindən bildirilib.

Məlumata görə, 1-2 noyabrda Gürcüstanda (əsasən ölkənin qərb hissəsində) yağış yağacağı, bəzi yerlərdə güclü olacağı, şimşək çaxacağı, güclü külək və dənizdə 2-3 bal gücündə fırtına olacağı gözlənilir.

"Gözlənilən güclü yağış Gürcüstanın qərbindəki çaylarda suyun səviyyəsini əhəmiyyətli dərəcədə artıra bilər, eyni zamanda ölkənin dağlıq ərazilərindəki sürüşmələrə səbəb ola bilər", - Milli Ətraf Mühit Agentliyinin yaydığı açıqlamada deyilir.