"Energo-Pro Georgia" seçki günü fövqəladə rejimdə işləyəcək

"Xüsusi növbətçi qruplar bütün bölgələrdə 24 saat işləyəcək və bütün lazımi texnika səfərbər ediləcək".

InterPress.ge xəbər verir ki, bu barədə məlumatı "Energo-Pro Georgia" yayır.

Məlumata görə, 31 oktyabr Gürcüstan parlament seçkiləri günü "Energo-Pro Georgia" xüsusi rejimdə işləyəcək.

“Növbətçi qrupların seçki məntəqələri ilə birbaşa əlaqəsi olacaqdır. Pis hava şəraiti və ya digər gözlənilməz hadisələr səbəbindən elektrik enerjisinin kəsilməsi halında, şirkətin texniki xidməti dərhal cavab verəcəkdir. Növbətçi şirkətin siyahısı, məsul şəxslər və əlaqə nömrələri artıq Mərkəzi Seçki Komissiyasına göndərilib. MSK nümayəndəsi şirkətin baş dispetçeri ilə də birbaşa əlaqə quracaq" ,- dedi Energo-Pro.